In 'n club in die donker,
.met sange van lof
In vuil, derglike Sunnyside-
.dien ek U, God
Dans ons soos mal kokkorotte
.met ,n Bybel vanmore
Op die muurtjie onder ,n lig
.lees ek my lot
Maar dis donker hier...

-voorstelling van ‘n verhouding in ‘n epiloog, no.71493 11/07/99-

lag jy
in jou kamer
in die donkery

val jy
in jou drome
in die nag

vang jy
in diep slaap
die sagte sterre

en sal jy
by my bly
as ek hier wag ?

want jou huis is my kamer
jou rowe my seer
jou arms my beskerming
en jou oë my enigste verweer?

-viool-
(vir my viool)

my viool
lê in sy kas en wag
ou hout doos
snare gespanne ontspanne
skewe brug
wag
om bevrug te word

sagte muskietgeluidjies
altyd half vals
dwing my tot raserny
en ontstel my
as hy in sy kas lê en wag
lei hy my tot
frustrasie

-oomblik van swakheid #1-
(vir e)

jy lê op die gras
uitgestrek - blootgestel
aan sonlig en mense
en jou oë is toe
maar jy weet

partykeer wonder ek
wat sou geword het
van die ongesproke dinge
wat ek en jy
so vriendelik tussen ons hou

daar is altyd trane
van meelewing en lag
van verstaan
tussen ons
wanneer die son opkom

maar eintlik is ek alleen
jy alleen
ons altwee eensaam
in ons wete
van wat sou kon wees

This page of poetry is the original work of Magdalene M. Moddervoet. You may e-mail feedback or comments to: asiamudd@hotmail.com or read poems by other authors at http://www.linx.co.za/poetry